Blog Kaise Banaye

Blog kaise banaye - How to create blog


Hello Dosto, Mai Rahul aapka apne Naye post me Swagat karta hu. Pichle kuch dino se mere kuch dost mujhse puch rahe they ki mai itni asani se naye-naye blog kaise bana leta hu. Jab mai unhe bolta tha ki ye bahut hi asan kaam hai to vo ye kahte they ki maine Technical padhai kar rakhi hai isliye mere liye ye aasan hai.

Lekin Yakin maniye dosto, Blog banana wakai me bachcho ka khel hai. Blog koi bhi bana sakta hai. Aap bhi bana sakte hain.



Aaj ka mera topic yahi hai ki Blog kaise banaye.

Waise to Blog kai sare platform par banaye ja sakte hai lekin Sabse jyada Famous or sabka pasandida Platform hai Google ka Blogger. Aaj mai aapko Blogger par blog banane ka process bataunga.

Blogger par blog banane ke liye aapke paas Sabse pahle Gmail ID honi chahiye. agar aapke paas Gmail ki ID nahi hai to aap pahle Gmail ki ID banaye. Agar aapko ID banane nahi aata hai to aap is link par Click kar ke jaan sakte hain ki Gmail Par ID kaise banaye.

Sabse pahle aap apne browser ke address bar me www.blogger.com type kariye. fir aapke samne Login page khul jayega jaha aap User Name or Password fill kar ke continue par click kar dijiye.




Ab aapke samne jo page khulega waha aapko New Blog likha dikhega. aapko us par click karna hai. Fir aapke samne kuch aisa page khul jayega.


Ab aapko photo me dikhaye anusar sabse upar wale box (arrow 1) me
  1.  Title - Isme aapko apne Blog ke liye koi achcha sa title likhna hai jo aapke Blog ko Suit kare.
  2. Address - Isme aapko apne Blog ke liye ek aisa Address likhna hai jo kisi bhi blog ka nahi ho. Jab tak aap blog ka koi sahi address nahi daal dete tab tak aap next step par nahi ja sakte.
  3. Template - Template me aap niche diye hue kai sare templates me se koi bhi template select kar lein. Aap apne template ko baad me change bhi kar sakte hain or yaha tak ki aap khud ka template design kar ke bhi laga sakte hain. Is bare me mai aapko kisi dusre post me detail me bataunga.
  4. Create Blog - Ab aap Create Blog par click kar dein.



Ab aapka Blog ban kar Taiyar ho gaya. Isey aap website bhi kah sakte hain or Blog bhi. Ab aapka blog address aisa hoga abc.blogspot.in. Aap ye soch kar hairan ho rahe honge ki ye Blogspot.in kyu laga hua hai.  Iska karan ye hai ki aapne apna blog Google ke platform par banaya hai. or aapne apna khud ka koi Domain purchase nahi kiya hai isliye aapke Blog address ke last me blogspot.in likha aa raha hai. Aap apna khud ka Domain purchase kar ke ye blogspot.in bhi hata sakte hain. kaise? ye mai aapko baad me kisi dusre post me bataunga.

Ye jankari aapko kaisi lagi, is baare me mujhe comment box me jarur bataiyega. Dhanyawaad.

loading...
Previous
Next Post »